Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 356 Hüküm no: 296 Orijinal metin no: [77b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgo v. Yuvan’ın vârislerine taksim edilen terekesi Havâss-ı Refîʻa kazâsına tâbi‘ Cuhûd Burgos nâm karyede mütemekkin iken bundan akdem hâlik olan Yorgo v. Yuvan’ın verâseti zevce-i metrûkesi Zoye bt. Kostantin ile sulbî sagīr oğulları Andon ve Dimitraki ve Nikola’ya münhasır olduğu şer‘an zâhir ve müteʻayyen oldukdan sonra sıgār-ı mezbûrûnun anaları ve tesviye-i emirlerine vasîleri olan mezbûre Zoye taleb ve ma‘rifetiyle tahrîr ve takvîm olunan tereke-i hâlik-i mersûmdur ki ber-vech-i âtî zikr olunur. Fi’l-yevmi’s-sâmin ve’l-ışrîn min-Rebîʻülâhire li-sene tisʻa ve hamsîn ve mi’e ve elf. Köhne anteri, 1 120 para Köhne dîmî, 1 60 para Köhne gömlek, 1 30 para Köhne aba yağmurluk, 1 120 akçe Bârgir, 1 1.320 akçe Bir mikdâr saman 720 akçe Menzil der-karye-i mezbûr 9.600 akçe Bağ, 2 dönüm 2.400 akçe Fıçı ve sâir hırdavât-ı menzil 1.200 akçe Cem‘an yekûn: 15.670 akçe. Minhâ el-ihrâcât: Hâlik-i mersûmun lâşesini ilkā-i hafr için masrûf 600 akçe Resm-i kısmet 380 akçe Kalemiye-i kâtib 60 akçe Hüddâmiye 60 akçe Kaydiye-i defter 12 akçe Harc-ı hüccet-i vesâyet 120 akçe Cem‘an yekûn: 1.332 akçe. Sahhe’l-bâkī li’t-taksîm beyne’l-verese: 14.338 akçe. Hissetü’z-zevceti’l-mezbûre 1.792 akçe Hissetü’l-ibni’l-mezbûr 4.182 akçe Hissetü’l-ibni’l-mezbûr 4.182 akçe Hissetü’l-ibni’l-mezbûr 4.182 akçe