Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 358 Hüküm no: 298 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgo v. Yuvan’ın ölümüyle küçük çocuklarına annelerinin vasi tayin edilmesi Havâss-ı Refîʻa kazâsına tâbi‘ Cuhûd Burgos nâm karyede mütemekkin iken bundan akdem hâlik olan Yorgo v. Yuvan’ın sulbî sagīr oğulları Andon ve Dimitraki ve Nikola’nın tesviye-i emirlerine kıbel-i şer‘den bir vasî nasbı lâzım ve mühim olmağın emânet ile ma‘rûfe, her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârlarıyla lede’ş-şer‘i’l-enver zâhir ve mukarrer olan sıgār-ı mezbûrûnun anaları işbu râfiʻatü’l-kitâb Zoye bt. Kostantin nâm Nasrâniye’yi hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sıgār-ı mezbûrûnun tesviye-i emirlerine vasî nasb u ta‘yîn buyurduklarında ol dahi vech-i muharrer vesâyet-i mezbûreyi kabûl ve hizmet-i lâzımelerin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâmin ve’l-ışrîn min-Rebîʻülâhir li-sene tisʻa ve hamsîn ve mi’e ve elf. Şuhûdü’l-hâl: Es-Seyyid Mehmed b. es-Seyyid Mustafa, es-Seyyid Ahmed b. es-Seyyid Mehmed, Halil Çelebi b. İbrahim, Mehmed Çelebi b. Abdullah, Musa Bey b. Ömer.