Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 366 Hüküm no: 306 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Çelebi’nin vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Câmi‘-i Kebîr Mahallesiʼnde sâkin iken bundan akdem vefât eden Mehter Osman Çelebi b. [Abd]ullah’ın zâhirde zevce-i menkûha-i metrûkesi Fâtıma Hatun bt. Abdullah’dan gayrı vâris-i ma‘rûfesi [ve] ma‘rûfu olmamak zuʻmuyla müteveffâ-i mezbûrun terekesinin rub‘u zevcesi mezbûreye ve selâse-i erbâʻı cânib-i beytülmâla âid olmak üzere medîne-i mezbûrede hâlâ beytülmâl kabzına meʼmûr olan fahrü’l-akrân es-Seyyid Ahmed Ağa b. es-Seyyid Mehmed ve zevcesi mezbûre ile ma‘an müteveffâ-i mezbûrun terekesini beyʻ eylediklerinden sonra Mustafa b. İsmail nâm kimesne usûbet-i nesebiyye cihetinden müteveffâ-i mezbûrun vârisi olduğu emîn-i mezbûr muvâcehesinde vech-i şer‘î üzere isbât etmekle zevcesi mezbûre Fâtıma Hatun ile emîn-i mezbûrun beyʻ eyledikleri müteveffâ-i mezbûrun eşyâsıdır ki ber-vech-i âtî zikr olunur. Fi’l-yevmi’l-ışrîn min-Rebîʻülâhir sene 1159. Alaca kaftan, 1 260 akçe Alaca anteri, 1 300 akçe Mâî çuka biniş, 1 620 akçe Köhne nâfe kürk, 1 1.100 akçe Köhne çakşır, 1 270 akçe Köhne bogasi kürk 360 akçe Köhne kuşak, 1 90 akçe Köhne don 1 ma‘a gömlek 1 120 akçe Makrame ma‘a uçkur 21 akçe Kavuk ma‘a destâr 90 akçe Eğer, 1 60 akçe Kahve ibriği, 1 10 akçe Nakid der-kîse 3.063 akçe Cem‘an yekûn: 6.364. Minhâ el-ihrâcât: Deyn-i müsbet-i mehr-i müeccel 3.000 akçe Resm-i âdî 600 akçe Resm-i ârî? 170 akçe Kalemiye-i kâtib 45 akçe Çukadâriye ve hüddâmiye 45 akçe Kaydiye 15 akçe Deyn-i müsbet-i Mehter ortası ve sâir düyûn-ı müteferrika 1.030 akçe Yekûnü’l-mesârif: 4.905 akçe. Sahhe’l-bâkī li’t-taksîm beyne’l-verese: 1.459 akçe. Hissetü’z-zevceti’l-mezbûr[e] Fâtıma 364 akçe Hissetü’l-mezbûr Mustafa 1.095 akçe