Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 367 Hüküm no: 307 Orijinal metin no: [80b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcu terekesinden fazla olarak vefât eden Ali Ağa’nın terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Cezerî Kasım Paşa Mahallesiʼnde sâkin iken bundan akdem vefât eden Ali Ağa b. Mehmed’in düyûn[u] terekesinden ezyed olmağla vereseleri terekesini kabza rağbet etmeyip düyûn-ı müsbetesini edâya kıbel-i şer‘den vasî ve kayyım nasb olunan es-Seyyid Mehmed Ağa b. es-Seyyid Mustafa taleb ve ma‘rifetiyle tahrîr olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’s-sânî aşer min-Rebîʻülâhir sene tisʻa ve hamsîn ve mi’e ve elf, 1159. Köhne seccâde, 1 20 akçe Köhne makʻad, 1 30 akçe Sagīr yasdık, 1 40 akçe Köhne anteri ma‘a çakşır 120 akçe Köhne ihrâm 24 akçe Nısf çiftlik der-karye-i Kiteli ( ) Cem‘an yekûn: 38.634. Minhâ el-ihrâcât: Techîz ve tekfîn 3.000 akçe Deyn-i müsbet-i mehr-i müeccel 36.000 akçe Harc-ı defter 800 akçe Kalemiye-i kâtib 240 akçe Çukadâriye ve hüddâmiye 200 akçe [81a] Harc-ı hüccet-i vesâyet 150 akçe Kaydiye-i defter 30 akçe Yekûnü’l-mesârif: [40.420 akçe]. Müteveffâ-yı mezbûrun cemî‘ muhallefâtı bâlâda mezkûr otuz sekiz bin altı yüz otuz dört akçeye bâliğ ve mesârif-i lâzımesi dört bin dört yüz yirmi akçe ihrâcından sonra bâkī otuz dört bin iki yüz on dört akçeyi zevce-i menkûhası Âişe nâm hatunun mehr-i müsbeti olan otuz altı bin akçe hakkının ol mikdârına takāsen kabz edip bin sekiz yüz seksen altı akçe müteveffâ-i mezbûrda bâkī alacağı kaldığı işbu mahalle şerh verildi.