Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 141 Hüküm no: 114 Orijinal metin no: [13a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hristodola zimmînin Emine Hatun’a olan borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisetü’l-iʻlâm Emine bt. Ahmed nâm hatun Abdullah Haseki mübâşeretiyle Eyüb mahkemesine ihzâr olunan Avas karyesi Zaʻîmi Hristodola v. Yani nâm zimmî ile terâfuʻlarında mesfûr Hristodola zimmî karz olmak üzere beş yüz guruş bi’l-istidâne ve kabz ve mesârifine sarfla istihlâk ve meblâğ-ı deyn-i mezbûr mukābelesinde Kasımpaşa’da Tatavla (...) vâkiʻ maʻlûmü’l-hudûd ve’l-müştemilât mülk menzilini bin yüz elli üç senesi Saferi’l-hayrı târîhiyle müverrah hüccet (...) ve’l-istiğlâl bana beyʻ ve baʻde’t-tahliyyeti’ş-şerʻiyye menzil-i merkūm iki seneye değin yüz elli guruş makbûza îcâr ve istîcâr olundukdan sonra müddet-i madrûbe tûl ve el-hâletü hâzihî beyʻ-i mezbûru feshetmekle meblâğ-ı deyn-i mezbûr beş yüz guruşu mesfûr Hristodola zimmîden taleb ederim deyü daʻvâ etdikde ol dahi ber-minvâl-i muharrer ikrâr ve iʻtirâf etmeğin [13b] mûcibince meblâğ-ı mezbûr beş yüz guruşu müddeʻiye-i mezbûre Emine Hatun’a edâ ve teslîm etmek üzere mesfûr Hristodola zimmîye tenbîh-i şerʻî olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 13 min-şehri Rebîʻülevvel sene 1160