Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 142 Hüküm no: 115 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe bt. İsmail’in el-Hâc Osman’dan aldığı cübbeyi iâde etmesi Maʻrûz; Bâʻisü’l-iʻlâm el-Hâc Osman b. Abdullah kolluk mübâşeretiyle medîne-i Eyüb mahkemesine ihzâr etdirdiği Şerife Âişe bt. İsmail nâm hatun muvâcehesinde mezbûre Şerife Âişe bundan akdem bir şal cübbemi dört gün mürûrunda bana teslîm etmek üzere üç guruş ücret ile almış idi. Taleb ederim deyü daʻvâ etdikde mezbûre Şerife Âişe dahi zikr olunan cübbeyi ücret ile alıp izinsiz âhara rehin vazʻ etmiş idim deyü ikrâr etmeğin mûcebiyle aynı mevcûd cübbeyi ihrâc edip müddeʻî-i mezbûr el-Hâc Osman’a teslîme mezbûre Şerife Âişe’ye baʻde’t-tenbîh ve’t-tescîl bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 13 Rebîʻülevvel