Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 146 Hüküm no: 124 Orijinal metin no: [14b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Baba Haydar Mahallesi’ndeki Müslüman ahâlinin evlerini gayr-ı Müslimlere kiralamalarına mani olunması İʻlâmı mûcebince Müslimîne ferağ etdirilmek deyü buyruldu. Maʻrûz; Medîne-i Eyüb’de Baba Haydar Mahallesi sükkânından ashâb-ı arzuhâl İbrahim b. Mustafa ve Mehmed Emin b. Mehmed ve Osman b. Mustafa ve es-Seyyid Hüseyin b. İsmail nâm kimesneler medîne-i mezbûre mahkemesinde meclis-i şerʻ-i hatîrde mahalle-i mezbûrede vâkiʻ İbrahim Bey Mescid-i şerîfi kurb ve etrâfında olup derûn-ı arzuhâlde isimleri mezkûr menâzil müstecirleri zimmîler muvâcehelerinde mesfûrûn zimmîler bin yüz kırk yedi senesi Rebîʻülevveli’nin on ikinci günü târîhiyle müverraha işbu arzuhâl hâmişinde sicilden ihrâc ve tastîr olunan iʻlâm-ı şerʻî ve fermân-ı âlî mûcebince menzillerini Müslimîne îcâr olunmak üzere tenbîh olunmuş iken hâlâ yine mesfûrların baʻzıları hilâf-ı iʻlâm menzillerinde sâkin olup ve baʻzıları dahi süknâ murâd edip taklîl-i cemâʻate bâʻis olurlar deyü ihbâr etdiklerinden mesfûrlar dahi iʻtirâf ve baʻde’l-yevm menzillerini Müslimîne ferağ etmek üzere taʻahhüd eyledikleri huzûr-ı âlîlerine iʻlâm olundu. Bâkī fermân veliyyü’l-emrindir. Fî 25 Rebîʻülevvel sene 1160