Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 148 Hüküm no: 129 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Ümmü Gülsüm’ün kızı Fâtıma’nın büyükannesi Ayşe’nin yanına verilmesi Maʻrûz; Derûn-ı arzuhâlde mezkûre müteveffiye olan Ümmü Gülsüm’ün vâlidesi Âişe nâm hatun Eyüb mahkemesine ihzâr olunan arzuhâlde mezkûrü’l-ism Seyyid Ali Beşe ile terâfuʻ etdikde mezbûr Seyyid Ali’nin firâşından hâsıl ve kızım müteveffiye mezbûre Ümmü Gülsüm’den mütevellide tahmînen beş altı yaşında olan sagīre Fâtıma’yı hakk-ı hıdâne benim iken babası mezbûr Seyyid Ali teslîmden ibâʼ eder deyü daʻvâ ol dahi ikrâr ve müştehât oluncaya değin bi-hakkı’l-hıdâne hıfz ve terbiye etmek üzere sagīre-i mezbûre Fâtıma’yı mezbûre Ayşe’ye teslîm eylemek üzere şerʻan babası mezbûr Seyyid Ali’ye tenbîh ve tescîl olunduğu huzûr-ı âlîlerine iʻlâm olundu. Fî 29 Rebîʻülevvel sene 1160