Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 148 Hüküm no: 130 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgaki’nin Vasilaki’ye olan borcunu ödemesi Maʻrûz; İşbu hâmilü’l-iʻlâm Avas karyesinden Vasilaki nâm zimmî Karga nâm karye ahâlîsinden Eyüb mahkemesine ihzâr etdirdiği Yorgāki nâm zimmî ile murâfaʻalarında mesfûr Yorgaki zimmetinde cihet-i karzdan altmış guruş hakkım vardır taleb ederim deyü daʻvâ, ol dahi ber-vech-i muharrer ikrâr ve iʻtirâf etmeğin mûcebince meblâğ-ı mezbûru müddeʻî-i mesfûra edâ ve teslîme mesfûr Yorgaki zimmîye tenbîh ve tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Rebîʻi’l-evvel li-sene sittin ve miʼe ve elf.