Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 149 Hüküm no: 131 Orijinal metin no: [15a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud’un, Dülgerbaşı Vakfı’ndan aldığı borcu ödemesi Maʻrûz; Medîne-i Eyüb’de el-Hâc Hüsrev Mahallesi İmamı [ve] Dülgerbaşı Vakfı’nın nukūd-ı mevkūfesinin mütevellîsi işbu bâʻisü’l-iʻlâm Mehmed Efendi medîne-i mezbûre mahkemesine ihzâr etdirdiği Mahmud b. ( ) kimseden mezbûr Mahmud zimmetinde nukūd-ı mâl-ı mevkūfeden on bir guruş ile muʻâmele-i şerʻîden on beş para ki cemʻan on bir guruş on beş parayı bi’t-tevliye taleb ederim deyü daʻvâ etdikde ol dahi ber-vech-i muharrer ikrâr etmeğin mûcebiyle meblâğ-ı mezbûrun edâsıyla mezbûr Mahmud ilzâm olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sânî ve’l-ışrîn min-şehri Rebîʻi’l-evvel sene sittin ve miʼe ve elf.