Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 149 Hüküm no: 132 Orijinal metin no: [15a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Kazer’in kendisini darbettiklerini iddiâ ettiği şahısların bulunması için açtığı davanın geçersiz olduğu Maʻrûz; Medîne-i Eyüb’de İslâm Bey Mahallesi’nde mütemekkin Terzi Kazer v. Anderya nâm zimmî Vâlidesarayı ser-bölüğü mübâşeretiyle ihzâr-ı şerʻ etdirdiği Havâss-ı aliyye kazâsına tâbiʻ Küçük nâm karye mütemekkinlerinden işbu bâʻisü’l-iʻlâm Yorgaki ve Şiryan ve Rayko nâm zimmîler muvâcehelerinde târîh-i iʻlâmdan iki gün mukaddem ben karye-i mezbûreden gelir iken mezbûrların refîkleri olup gāʼibûn ani’l-meclis Yuvan ve Fideci Niko ve Dimitraki nâm zimmîler karye-i mezbûra karib kumluk nâm mahalde beni bi-gayr-ı hakkın darb ve üzerimde olan libâsımı ahz etmeleriyle gāʼibûn-ı mezbûrûnu bulsunlar deyü mezbûrûndan eylediği daʻvâsı takrîri üzere meşrûʻa olmayıp suâl dahi teveccüh etmemekle mesfûr Kazer zimmî bî-vech muʻârazadan menʻ olunduğu medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî selh-i Rebîʻi’l-evvel sene sittin ve miʼe ve elf.