Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 152 Hüküm no: 138 Orijinal metin no: [15b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâdabâd karyesi Korucubaşı el-Hâc Mustafa’ya küfrederek kendisini darbettikleri tespit olunan Mustafa ile karısı Fâtıma’nın cezâlandırılmaları Maʻrûz; Sâdabâd karyesinde Korucubaşı işbu bâʻisü’l-iʻlâm el-Hâc Mustafa nâm kimesne karye-i mezbûr sâkinlerinden Eyüb mahkemesine ihzâr olunan Mustafa nâm kimesne ile mezbûrun zevcesi Fâtıma Hatun ile terâfuʻlarında mezbûr Mustafa bir gün mukaddem mûcib-i taʻzîr elfâz ile bana şetm edip zevce-i mezbûre Fâtıma dahi bir gün mukaddem deynek ile bi-gayr-ı hakkın beni darbeyledi deyü daʻvâ ve her biri baʻde’l-inkâr müddeʻî-i mezbûr Korucu el-Hâc Mustafa ber-vech-i muharrer müddeʻâlarını lede’t-tezkiye adâletleri zâhir karye-i mezbûr ahâlîsinden Ali b. Hüseyin ve Mehmed b. Süleyman ve Abdurrahman b. Ali nâm kimesneler şehâdetleriyle vech-i şerʻî üzere isbât etmeğin mûcebince mezbûr Mustafa ve mezbûre Fâtıma’dan her birine şerʻan taʻzîr lâzım geldiği tescîl ve mübâşiri Sâdabâd Bostanî neferâtından Ahmed Bey’in iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-şehri Rebîʻi’l-âhir sene sittin ve miʼe ve elf.