Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 152 Hüküm no: 139 Orijinal metin no: [15b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Kazer’in kendisini darbedip elbiselerini soydukları iddiâsıyla Dimitraki, Yuvan ve Gaydacı Niko aleyhine açtığı davadan vazgeçtiği Maʻrûz; Medîne-i Eyüb’de İslâm Bey Mahallesi’nde mütemekkin Terzi Kazer v. Anderyas v. Kazer nâm zimmînin sâbitü’l-vekâle vekîli Terzi Hüdâverdi v. Ağyam zimmî meclis-i şerʻde bâʻisü’l-iʻlâm Dimitraki nâm zimmî muvâcehesinde mezbûr Dimitraki ile gāʼibân ani’l-meclis Yuvan ve Gaydacı Niko nâm zimmîler Küçükköy kurbünde yoluma inip bi-gayr-ı hakkın beni darb ve esvâbımı soydular deyü tasaddî eylediği daʻvâsından meccânen ferağ ve rücûʻ edip husûs-ı mezbûra müteʻallika daʻvâdan mezbûr Dimitraki ile gāʼibân ani’l-meclis Yuvan ve Gayda[cı] Niko’dan her birinin zimmetlerini bi’l-vekâle ibrâ eylediği medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-Rebîʻi’l-âhir sene sittin ve miʼe ve elf.