Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 158 Hüküm no: 150 Orijinal metin no: [17a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Ağa’nın kendisine küfreden Hanife Hatun aleyhine açtığı davadan vazgeçtiği Maʻrûz-ı dâʻî-i Devlet-i aliyyeleridir ki; Medîne-i Eyüb’de Servi Mahallesi sükkânından Süleyman Ağa nâm kimesne medîne-i mezbûre mahkemesinde meclis-i şerʻ-i hatîrde işbu bâʻisü’l-iʻlâm mahalle-i mezbûre sâkinelerinden Hanife nâm hatun muvâcehesinde mezbûre Hanife Hatun mûcib-i taʻzîr kelimât ile bana şetm eyledi deyü tasaddî eylediği daʻvâsından ferağ ve rücûʻ edip katʻ-ı nizâʻ etdikleri tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis aşer min-Rebîʻi’l-âhir sene sittin ve miʼe ve elf.