Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 159 Hüküm no: 151 Orijinal metin no: [17a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Kosta’nın kaybolan iki aded altınını bulduğu iddiâsıyla İbrahim aleyhine açtığı davasını ispatlayamadığı Maʻrûz-ı dâʻî-i Devlet-i aliyyeleridir ki; Kassab tâifesinden Kosta nâm zimmî medîne-i Eyüb mahkemesinde meclis-i şerʻ-i hatîrde bâʻisü’l-iʻlâm İbrahim nâm kimesneden mezbûr İbrahim malım olup bir mâʼî kîse içinde mevzûʻ iki aded zer-i mahbûb altunumu zâyiʻ edip mezbûr İbrahim bulmağla taleb ederim deyü baʻde’d-daʻvâ ve’l-inkâr müddeʻî-i mezbûr Kosta müddeʻâsını beyân edemeyip talebiyle mezbûr İbrahim baʻde’t-tahlîfü’ş-şerʻî mûcebiyle mezbûr Kosta zimmî bilâ-beyyine bî-vech muʻârazadan menʻ olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis aşer min-Rebîʻi’l-âhir sene sittin ve miʼe ve elf.