Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 159 Hüküm no: 152 Orijinal metin no: [17a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ömer’in Mehmed Çelebi’ye olan borcunu ödemesi Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Mehmed Çelebi medîne-i Eyüb mahkemesine ihzâr etdirdiği Molla Ömer muvâcehesinde mezbûr Molla Ömer zimmetinde altmış üç guruş hakkımdan bâkī yirmi bir guruş seksen akçe hakkım vardır taleb ederim deyü daʻvâ, ol dahi ikrâr ü iʻtirâf etmekle alâ-mûcib-i ikrârihi meblâğ-ı bâkī-i mezbûrun edâsıyla mezbûr Molla Ömer ilzâm olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâbiʻ aşer min-Rebîʻi’l-âhir sene sittin ve miʼe ve elf.