Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 161 Hüküm no: 155 Orijinal metin no: [17b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb Hatun’un kocası Ali Beşe b. Abdi’deki alacaklarının tahsili Maʻrûz; Bâʻisetü’l-iʻlâm Zeyneb bt. Abdullah nâm hatun zevci Ali Beşe b. Abdi muvâcehesinde mezbûr Ali Beşe zimmetinde eşyâ-i memlûkemden maʻlûmu’l-mikdâr evân-ı nuhâsiye ve yün ve üç yasdık yüzü ve bir döşek yüzü ve bir çuka ferâce ve bir köhne nâfe kürk semenlerinden cemʻan yirmi altı guruş hakkım olmağla taleb ederim deyü daʻvâ etdikde ol dahi ber-vech-i muharrer ikrâr ve iʻtirâf etmekle alâ-mûcib-i ikrârihi meblâğ-ı mezbûrun edâsıyla mezbûr Ali Beşe ilzâm olunduğu Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fî 28 Rebîʻülâhir sene 1160