Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 161 Hüküm no: 156 Orijinal metin no: [17b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bey karyesinden Hüseyin’in Nalband İsmail’den alacaklı olduğu yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Havâss-ı aliyye kazâsına tâbiʻ Ali Bey nâm karyede sâkin Hüseyin nâm kimesne medîne-i Eyüb mahkemesinde meclis-i şerʻ-i hatîrde işbu bâʻisü’l-iʻlâm Na‘lband İsmail nâm kimesneden mezbûr İsmail’den bundan akdem bir çift öküzünü otuz iki guruşa iştirâ ve kabz eylediğimden sonra mezbûr İsmail zikr olunan bir çift öküzü ahz ü kabz ve âhara beyʻ etmekle hâlâ zikr olunan bir çift öküzün yevm-i kabzda kıymetleri altmış guruş olmağla taleb ederim deyü daʻvâ ve müddeʻâsını beyân içün istimhâl olundukda mehl-i şerʻî mürûr ve müddeʻî-i mezbûr ityân-ı beyyineden izhâr-ı acz edip tahlîfe dahi tâlib olmamağla müddeʻî-i mezbûr bilâ-beyyine bî vech muʻârazadan menʻ olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’t-tâsiʻ aşer min-Rebîʻi’l-âhir sene sittin ve miʼe ve elf.