Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 163 Hüküm no: 160 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kendisi ve kızı Müslüman olan Sâliha’nın kocası Salamon’dan boşanması Maʻrûz-ı dâʻî-i Devlet-i aliyyeleridir ki; Balat mütemekkinelerinden şeref-i İslâm ile müşerrefe ve Sâliha tesmiye olunan sâhibe-i arzuhâl mezbûrenin kendinden mütevellide olan kızı sagīrenin dahi tebeʻan İslâmıyla hükmolunup ve mütevezzice [mütezevvice] olduğu zevcine arz-ı İslâm olunmak üzere tevkīf-birle iʻlâm olundukdan sonra mezbûrenin zevci olan Salamon meclis-i şerʻa ihzâr olunup arz-ı İslâm olundukda ibâʼ etmeğin şerʻan beynleri tefrîk olunduğu târîh-i iʻlâm senesi Rebî‘ülevveli’nin on altıncı günü Eyüb mahkemesinde ber-vech-i muharrer zabt ve tescîl olunmuşdur. Bâkī fermân hazret-i veliyyü’l-emrindir. Fi’l-yevmi’l-ışrîn min-şehri Rebîʻi’l-âhir sene sittin ve miʼe ve elf.