Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 164 Hüküm no: 161 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Efendi b. el-Hâc Mehmed’in boşandığı karısı Zeyneb Hatun’a olan borcunu ödemesi Maʻrûz-ı dâʻî; Medîne-i Eyüb el-Ensârî’de Takyecibaşı Mahallesi sâkinelerinden işbu bâʻisetü’l-iʻlâm Zeyneb Hatun bt. Ali meclis-i şerʻde kalem kâtiplerinden zevc-i mutallıkı olan Hüseyin Efendi b. el-Hâc Mehmed mahzarında zevcim mezbûr Hüseyin Efendi zimmetinde mütekarrir iki akidde tesmiye olunan üç bin sekiz yüz akçe mihrim ile nafaka-i iddet ve meʼûnet-i süknâm içün dahi bi’t-terâzi yedi yüz yirmi akçe mukarrere? ki cemʻan dört bin beş yüz yirmi üç akçe hakkımı taleb ederim deyü daʻvâ etdikde mezbûr Hüseyin Efendi istintak olundukda ber-vech-i muharrer ikrâr ve meblâğ-ı mecmûʻ-ı mezbûr dört bin beş yüz yirmi akçeyi müddeʻiye-i mezbûre Zeyneb Hatun’a edâ ve teslîme taʻahhüd eylediği medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Rebîʻülâhir sene 1160