Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 168 Hüküm no: 172 Orijinal metin no: [19a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabet’in borcunu Haslar beytülmâlcısı İbrahim Ağa’ya ödediği Maʻrûz; Medîne-i Hazret-i Ebâ Eyüb el-Ensârî −aleyhi’r-rahmeti Rabbihi’l-Bârî’de− Topkapısı hâricinde el-Hâc İlyas Mahallesiʼnde sâkin iken bundan akdem vefât eden Hamza bin İvaz’ın zâhirde vâris-i maʻrûfu olmayıp terekesi cânib-i beytülmâla âid ve râciʻ olmağla hâlâ Haslar Beytülmâlını kabza meʼmûr olan İbrahim Ağa b. Halîfe nâm kimesne hâmilü’l-iʻlâm Karabet v. Asarı nâm zimmî muvâcehesinde bi’l-emâne ikrâr ederek mezbûr Karabet zimmî zimmetinde cihet-i karzdan müteveffâ-i mezbûrun elli iki guruş hakkı olmağla meblâğ-ı mezbûru merkūm Karabet zimmî bana defʻ ü teslîm ben dahi bi’l-emâne ahz ü kabz eyledim deyü ikrârı Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Rebîʻi’l-âhıre li-sene sittin ve miʼe ve elf.