Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 169 Hüküm no: 173 Orijinal metin no: [19a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Yusuf’un kendisine emanet edilen Gürcü asıllı kölenin firârından on iki gün sonra bulunduğu Maʻrûz; Mahmiye-i İstanbul’da Divoğlu çeşmesi kurbünde, Hoca çeşmesi kurbünde Hoca Hamza Mahallesiʼnde sâkin bâʻisü’l-iʻlâm el-Hâc Yusuf b. Hasan medîne-i Eyüb’de meclis-i şerʻde medîne-i mezbûre subaşısı olup zâbit-i sâbık? olan Abdullah Ağa b. el-Hâc Halil muvâcehesinde işbu meclis-i şerʻde müşâhede Gürciyyü’l-asl Müslimü’l-millet açık kaşlı kara gözlü İsmail b. Abdullah nâm gulâm hâlâ el-Hâc Ahmed Paşa maʻiyetinde olan gāib ani’l-beled karındaşım el-Hâc Ali Efendi diyâr-ı âhara gider oldukda abd-i memlûkü mevsûf-ı mezkûr İsmail’i benim yanımda emânet vazʻ etmiş idi. Târîh-i iʻlâmdan on iki gün mukaddem ibâk etmekle zafer buldum taleb ederim deyü müddeʻâsını şuhûd-ı udûlden mezbûr Abdullah Ağa muvâcehesinde baʻde’l-isbât ve’l-hükm ve’t-tescîl bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sânî min-şehri Cemâziyelevvel li-sene sittin ve miʼe ve elf.