Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 170 Hüküm no: 176 Orijinal metin no: [19b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Luka’nın Ziyo bt. Panayot isimli Nasrâniye’den iddiâ ettiği alacak davasını ispatlayamadığı Maʻrûz; Dîvân-ı âlîlerinde maʻkūd meclis-i şerʻde derûn-ı arzuhâlde mezkûr Kiryako v. Luka nâm zimmî sâhibe-i arzuhâl Ziyo bt. Panayot nâm Nasrâniye ile terâfuʻlarında bundan akdem mezbûre Ziyo Nasrâniye zimmetinde cihet-i karzdan yüz seksen guruş hakkım olmağla meblâğ-ı mezbûru taleb ederim deyü daʻvâ eyledikde ol dahi bi’l-külliye inkâr etmekle ikāmet-i beyyine içün müddeʻî-i mezbûra mehl-i şerʻî verilip sekiz gün mürûr edip beyâna kādir ve tahlîfe dahi tâlib olmamağla müddeʻî-i mezbûr Kiryako zimmî bilâ-beyyine bî-vech muʻârazadan menʻ olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin min-Cemâziyelevvel sene sittin ve miʼe ve elf.