Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 173 Hüküm no: 183 Orijinal metin no: [20a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa’nın İmam Ömer Efendi’ye olan borcunu ödemesi Maʻrûz; İşbu bâʻisü’l-iʻlâm İmam Ömer Efendi Eyüb mahkemesine ihzâr etdirdiği Mustafa Ağa nâm kimesne ile terâfuʻlarında cihet-i karzdan bâ-temessük seksen guruş mezbûr Mustafa Ağa zimmetinde hakkım olmağla taleb ederim deyü daʻvâ etdikde ol dahi ber-vech-i muharrer ikrâr etmeğin mûcebince meblâğ-ı mezbûr seksen guruş müddeʻî-i mezbûr İmam Ömer Efendi’ye edâ ve teslîme mezbûr Mustafa Ağa’ya tenbîh ve tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Cemâziyelevvel li-sene sittin ve miʼe ve elf.