Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 174 Hüküm no: 184 Orijinal metin no: [20a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmü Gülsüm Hatun’un annesine sattığı eşyaların nakline engel olan kocası Mustafa Ağa’nın ikaz edildiği Maʻrûz; Medîne-i Eyüb’de Takyeci Mahallesiʼnde sâkine bâʻisetü’l-iʻlâm Ümmü Gülsüm’ün karındaşı ve tarafından zikr-i âtî husûslara vekîli Mehmed Ağa nâm kimesne müvekkile-i mezbûrenin hâlâ zevci Mustafa Ağa nâm kimesne muvâcehesinde müvekkile-i mezbûre Ümmü Gülsüm eşyâ-i memlûke-i maʻlûmesini bundan akdem beş yüz otuz bir guruşa vâlidesi gāibeti ani’l-meclis Rukiye nâm hatuna beyʻ ve temlîk edip hâlâ eşyâ-i memlûke-i mebîʻayı teslîm etmek murâd etdiğinde zevci mezbûr Mustafa Ağa bî-vech mümânaʻat eder dedikde zevc-i mezbûr Mustafa Ağa dahi eşyâ-i maʻlûme-i mebîʻanın nakl [ve] teslîmine mümânaʻat eylememek üzere taʻahhüd eylediği Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ min-Cemâziyelevvel li-sene sittin ve miʼe ve elf.