Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 177 Hüküm no: 194 Orijinal metin no: [21a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülkerim’in kefâletten dolayı İmam Ömer Efendi’ye olan borcunu ödemesi Maʻrûz; İşbu bâʻisü’l-iʻlâm Evlice Baba Mahallesi İmamı Ömer Efendi meclis-i şerʻ-i hatîrde Abdülkerim nâm kimesneden gāib ani’l-meclis Mustafa nâm kimesne zimmetinde cihet-i karz-ı şerʻîden bâ-temessük edâsıyla hükmolunan seksen guruş hakkımın edâsına mezbûr Abdülkerim bi’l-emr ve’l-kabûl kefîl ve dâmin olmağla taleb ederim deyü daʻvâ eyledikde ol dahi ber-vech-i muharrer ikrâr etmeğin mûcebiyle meblâğ-ı mezbûr seksen guruşun edâsıyla mezbûr Abdülkerim ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-Cemâziyelevvel sene sittin ve miʼe ve elf.