Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 178 Hüküm no: 195 Orijinal metin no: [21a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miras davasına vekil tayini Maʻrûz; Derûn-ı arzuhâlde mezkûrü’l-ism olup bundan akdem fevt olan es-Seyyid Mustafa’nın zevcesi ve terekesine vâzıʻatü’l-yed olduğu mütehakkık Hatice nâm hatun müteveffâ-i mezbûrdan isâbet eden hisse-i irsiyelerini ahz ü kabza ammizâdeleri Mustafa ve Mehmed ve Halil ve Ahmed nâm kimesnelerini vekîl nasbeylediler deyü iddiʻâ eden sâhib-i arzuhâl Osman nâm kimesne mezbûrûnun neseblerini daʻvâda lâzıme olan şürûtu zikredemeyip ve tashîh-i daʻvâ eylediği bi’l-iltimâs huzûr-ı âlîlerine iʻlâm, bâkī fermân hazret-i veliyyü’l-emrindir. Fi’l-yevmi’s-sâlis aşer min-Cemâziyelevvel sene sittin ve miʼe ve elf.