.:: İstanbul Kadı Sicilleri ::.


Eyüp Mahkemesi 182 Numaralı Sicil (H. 1154-1161 / M. 1741-1748)
cilt: 72, sayfa: 178
Hüküm no: 196
Orijinal metin no: [21a-5]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ermeni tâifesinin kendilerine tahsis edilen odaların önlerinde toplanıp bekleşmelerinin yasak olduğu

Maʻrûz;

İşbu ashâbü’l-iʻlâm merhûm İslâm Bey Mahallesi İmamı Osman Efendi ve müseccelü’l-esâmî Müslimîn meclis-i şerʻde mahalle-i mezbûrede vâkiʻ ehl-i zimmet olan odalarda mütemekkin Ermeniyân tâifesinin papazları Serkiz ve sâirleri muvâcehelerinde odalar kapısı taşrasında kefereden ferd-i vâhid ictimâʻ ve meks etmiş değiller iken şimdi meks ve ictimâʻı âdet [âid] ve mârra müteezzî ve mutazarrırlar olduklarını ihbâr ve iştikâ eylediklerinde onlar dahi baʻde’l-yevm odalar kapısı taşrasında meks ve ictimâʻ eylememek üzere müteʻahhid oldukları Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir.

Fi’l-yevmi’r-râbiʻ aşer min-Cemâziyelevvel sene sittin ve miʼe ve elf.