Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 178 Hüküm no: 197 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mehmed’in Mumcu İbrahim ile Ali Beşe arasındaki bargir alış-verişine kefâletinin tescil olunduğu Maʻrûz-ı dâʻî-i Devlet-i aliyyeleridir ki; Medîne-i Eyüb’de sâkin Ali bin Mehmed meclis-i şerʻde bâʻisü’l-iʻlâm diğer Ali b. Mustafa muvâcehesinde mezbûr diğer Ali Beşe’nin Mumcu İbrahim nâm gāib ani’l-meclis bir reʼs kır bargiri ile maʻan mükemmel bir eğerini tazyîʻ etmekle mezbûr diğer Ali Beşe mezbûr İbrahim Beşe ile bi’t-terâzî on sekiz guruş üzerine sulh olduğuna binâʼen ben dahi târîh-i iʻlâmdan altı gün tamamına değin müeccelen kefâlet-i sahîha-i şerʻiyye ile meblâğ-ı mezbûr on sekiz guruşa kefîl ve dâmin oldum deyü ikrâr ol dahi tasdîk eylediği baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Cemâziyelûlâ sene sittin ve miʼe ve elf.