Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 179 Hüküm no: 199 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim’in, Kayıkcı Mehmed’e âid meyve ağaçlarına müdâhale etmeyeceğine dâir söz verdiği Maʻrûz; Vilâyet-i Anadolu’da Kastamonu sancağında Ayandon kazâsına tâbiʻ Fayda nâm karye ahâlîsinden olup medîne-i Eyüb’de mutavattın işbu bâʻisü’l-iʻlâm Kayıkcı Mehmed nâm kimesne meclis-i şerʻ-i hatîrde karye-i mezbûre ahâlîsinden İbrahim nâm kimesne muvâcehesinde mezbûr İbrahim karye-i mezbûrede vâkiʻ tarlalarım etrâfında olup mevâziʻ-i müteferrikada olan mülk meyve eşcârlarıma bi-gayr-ı vechin taʻarruz eder deyü daʻvâ eyledikde mezbûr İbrahim dahi baʻde’l-yevm taʻarruz etmemek üzere taʻahhüd eylediği medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Cemâziyelevvel sene 1160