Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 180 Hüküm no: 200 Orijinal metin no: [21b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Es-Seyyid Abdurrahman b. Mehmed’e küfrettiği belirlenen Ali b. Halil’in cezalandırılması Maʻrûz; İşbu bâʻisü’l-iʻlâm es-Seyyid Abdurrahman b. Mehmed nâm kimesne medîne-i Eyüb’de Otakçılar’da sâkin ihzâr olunan Ali b. Halil ile terâfuʻlarında mezbûr Ali târîh-i iʻlâm günü Otakçılar çayırında ağzını falan etdiğim deyü şetm ve bıçak ile üzerime hücûm etmişdir deyü mûcib-i şerʻîsi baʻde’d-daʻvâ ve’l-inkâr müddeʻî-i mezbûr ber-vech-i muharrer müddeʻâsını şuhûd-ı udûlden Seyyid Mehmed b. Seyyid el-Hâc Ahmed ve Mehmed Efendi b. Ali nâm kimesneler şehâdetleriyle vech-i şerʻî üzere isbât etmeğin mûcebince mezbûr Ali’ye taʻzîr lâzım geldiği medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Cemâziyelevvel sene sittin ve miʼe ve elf.