Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 180 Hüküm no: 201 Orijinal metin no: [21b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Halil’in kendisini sopa ile döven es-Seyyid Abdurrahman b. Mehmed’den şikâyetçi olduğu Maʻrûz; Otakçılar’da sâkin işbu bâʻisü’l-iʻlâm Ali b. Halil nâm şâbb-ı emred es-Seyyid Abdurrahman b. Mehmed ile Eyüb mahkemesinde meclis-i şerʻde terâfuʻlarında mezbûr es-Seyyid Abdurrahman târîh-i iʻlâm günü Otakçılar çayırında sopa taʻbîr olunur âsâ-yı kebîr ile sol kolumun omuzu başına bi-gayr-ı hakkın darb ve kara bere etmekle mûcib-i şerʻîsini mezbûr es-Seyyid Abdurrahman’dan taleb ederim deyü eylediği daʻvâsını şuhûd-ı udûlden Feyzullah b. Ali ve Ali b. Osman nâm kimesneler şehâdetleriyle münkir-i mezbûr es-Seyyid Abdurrahman muvâcehesinde vech-i şerʻî üzere baʻde’l-isbât mûcib-i şerʻîsi icrâsı berʼ-i tâm husûlüne tevkīf-birle tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Cemâziyelevvel sene 1160