Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 180 Hüküm no: 202 Orijinal metin no: [21b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Ali b. Mustafa’dan boşanan Fethiye bt. Ahmed’in mihir ve nafaka konusunda anlaşmaya vardığı Maʻrûz; Medîne-i Eyüb’de Zeyneb Hatun Mahallesiʼnde sâkine Fethiye bt. Ahmed nâm hatun zevc-i sâbıkı Ali b. Mustafa muvâcehesinde mezbûr Ali zevcim olup bundan akdem beni tatlîk etmekle zimmetinde mütekarrir ve maʻkūdun-aleyh olan yirmi beş buçuk guruş kırk akçe mehr ve nafaka-i iddet-i maʻlûmem ve meʼûnet-i süknâm mezbûr Ali’den taleb ve daʻvâ sadedinde iken bâ-vesâtet-i muslihîn on dört guruş üzerine bizleri sulh eylediklerinde her birimiz baʻde’l-kabûl mâʻadâ mutâlebesinden zevcim mezbûr Ali Beşe’nin zimmetini ibrâ eyledim deyü ikrâr ol dahi ber-vech-i muharrer tasdîk eylediği baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-Cemâziyelevvel sene 1160