Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 187 Hüküm no: 214 Orijinal metin no: [23a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çubukcu İbrahim’in kendisini tehdid eden Hüseyin Beşe b. Hasan hakkındaki şikâyetini geri aldığı Maʻrûz; Medîne-i Eyüb’de Çubukcu İbrahim nâm kimesne meclis-i şerʻ-i hatîrde işbu bâʻisü’l-iʻlâm Hüseyin Beşe b. Hasan nâm kimesne muvâcehesinde mezbûr Hüseyin Beşe bana kızın Fâtıma’yı ver deyü gerek bana ve gerek zevcem Hatice nâm hatuna tehdîd ve mûcib-i taʻzîr hareket etmişdir deyü eylediği daʻvâsından mezbûr Hüseyin’i ibrâ edip ol dahi merkūm İbrahim ve gerek zevcesi mezbûre Hatice Hatun’u ve gerek kızı mezbûre Fâtıma’yı âmme-i deʻâvîden ibrâ etdikden sonra mezbûr Hüseyin’in ızrâr eder ise nefsine ve lede’l-mutâlebe meclis-i şerʻa ihzârına babası mezbûr Hasan kefîl olduğu medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Fî 20 Cemâziyelevvel sene 1160