Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 190 Hüküm no: 221 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâmetîzâde Vakfı’na âid olan bir eve yarı yarıya mutasarrıf olan Emetullah Hatun ile Âmâ İbrahim’in aynı evi nöbetleşe kullanma konusunda anlaştıkları Maʻrûz; Medîne-i Eyüb’de Düğmeciler Mahallesiʼnde vâkiʻ Kāmetîzâde Vakfı’ndan bir bâb menzilin nısfına icâreteyn ile mutasarrıfesi işbu bâʻisetü’l-iʻlâm Emetullah nâm hatun ve kezâlik nısf-ı âharına bi’l-icâreteyn mutasarrıf olan Âmâ İbrahim nâm kimesne vakf-ı mezbûrun meşrûtiyyet üzere mütevelliyesi Faize Âişe nâm hatun hâzıra olduğu hâlde baʻde’t-terâfuʻ menzil-i mezbûr kābil-i kısmet olmadığı mazbûtü’l-esâmî üç nefer Müslimîn haberleriyle müteʻayyen oldukda reʼy-i mütevelliye-i mezbûre ile menzil-i mezbûrda şuhûr ile muhâyeten süknâ murâd etmeleriyle kurʻa olunup ibtidâ İbrahim ismine hurûc etmeğin evvelen târîh-i iʻlâmdan bir ay tamamına değin mezbûr Âmâ İbrahim ba‘dehû mezbûre Emetullah Hatun dahi bir ay tamamına değin muhâyeten sâkin olmak üzere beynleri tevfîk olunduğu medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin ve’l-ışrîn min-Cemâziyelevvel sene 1160