Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 191 Hüküm no: 224 Orijinal metin no: [24a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkcı Süleyman ve ailesinin bulundukları mahalleden çıkmayı kabûl ettikleri Maʻrûz; Ashâb-ı arzuhâl Baba Haydar Mahallesi İmamı Es-Seyyid Ahmed Efendi ve ahâlîsinden es-Seyyid Ahmed Ağa ve Mehmed ve Ahmed Çelebi ve diğer Mehmed ve Salih Çelebi ve Bostanî Mehmed ve Mahmud ve es-Seyyid Hüseyin nâm kimesneler Mumcu el-Hâc Hüseyin mübâşeretiyle ihzâr-ı şerʻ olunan mahalle-i mezbûre ahâlîsinden derûn-ı arzuhâlde ismi mezkûr Kayıkcı Süleyman Beşe muvâcehesinde mezbûr Süleyman Beşe kayınvâlidesi Âişe nâm hatunun zevci kayınbabası işbu hâzır bi’l-meclis İbrahim nâm kimesneler ve zevceleri kendi hâllerinde olmayıp her bâr menzillerine kendilerine ecnebî ve ecnebîyeler getirmeleriyle mezbûrlardan bir vechile emn ü rahatımız yokdur deyü bi’l-muvâcehe sû-i hâllerini ihbâr ve mahalle-i mezbûreden ihrâclarını iltimâs etmeleriyle mezbûrân dahi mahalle-i mezbûreden çıkmak üzere taʻahhüd eyledikleri huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâlis min-Cemâziyelâhir sene sittin ve miʼe ve elf.