Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 192 Hüküm no: 225 Orijinal metin no: [24b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. II. Bayezîd evkafından olup Mustafa Ağa uhdesinde bulunan on dört parça tarla ve çayırların kira sözleşmesinin feshedildiği Maʻrûz; Havâss-ı refîʻa kazâsında Evas [Avaso] nâm karye hudûdu dâhilinde merhûm ve mağfûrun-leh Sultan Bâyezîd-i velî −tâbe serâhu− evkāfı arâzisinden bâ-temessük on dört kıtʻa tarla ve çayıra mutasarrıf olan sâhib-i arzuhâl Hüseyin Ağa nâm kimesne karye-i mezbûre ahâlîsinden Nikolaki ve Vasilaki ve müseccelü’l-esâmî sâirleri muvâcehelerinde bundan akdem ahâlî-i karye yedlerinde olan hüccet mantûku üzere iktizâ eden tekâliflerini edâ şartıyla senevî elli beşer guruşa sâlifü’l-beyân on dört kıtʻa tarla ve çayırımı istîcâr etmişler idi. El-hâletü hâzihî istîcârları şartı fâsid ile olmağla adem-i sıhhatine binâʼen feshin taleb ederim dedikde onlar dahi ber-vech-i muharrer ikrâr ve müddeʻî-i mezbûr Hüseyin Ağa mutasarrıf olduğu tarla ve çayırını târîh-i iʻlâmdan dilediği kimesneye îcâr eylesin deyip baʻde’l-yevm arâzi-i mezkûreye taʻarruz eylememek üzere her biri ahd ü mîsâk edip bu vechile Eyüb mahkemesinde baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Cemâziyelevvel sene sittin ve miʼe ve elf.