Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 193 Hüküm no: 227 Orijinal metin no: [24b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan, İbrahim Ali ve Abdi isimli şahısların Taşcı Hasan Beşe’ye ve Todori zimmîye olan borçlarını ödemeleri Maʻrûz; Makrihorya nâm karyeden işbu sâhibü’l-iʻlâm Taşcı Hasan Beşe nâm kimesne ihzâr-ı şerʻ olunan Hasan ve İbrahim ve Ali ve Abdi nâm kimesneler ile terâfuʻlarında müşterâ ve makbûz taş bahâsından mezbûr Hasan zimmetinde on dört guruş ve cihet-i mezkûreden mezbûr İbrahim zimmetinde dört guruş otuz para ve cihet-i mezbûreden mezbûrân Ali ve şerîki Abdi zimmetinde beş guruş hakkım olmağla taleb ederim deyü daʻvâ etdikde mezbûrûndan her birileri ber-vech-i muharrer ikrâr ve iʻtirâf ve meblâğ-ı mecmûʻ-ı mezbûrun edâsıyla her birileri baʻde’l-ilzâm yine taşcı zümresinden Todori zimmînin dahi cihet-i mezbûreden mezbûrân Ali ve Abdi zimmetlerinde müddeʻâsı olan beş guruşdan ancak yüz on para hakkı olduğu mezbûrânın ikrârlarıyla sâbit olmağla ikrârları mertebesi yüz on parayı mesfûr Todori’ye edâya mezbûrâna tenbîh-birle Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Cemâziyelâhir sene sittin ve miʼe ve elf.