Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 193 Hüküm no: 228 Orijinal metin no: [24b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Artin’in Moses’e emâneten bıraktığı nân-ı aziz gediğini geri almak istediği Maʻrûz; Medîne-i Eyüb sûkunda mütemekkin Artin nâm Ermeni meclis-i şerʻde işbu hâmilü’l-iʻlâm Kirkor nâm Ermeni muvâcehesinde târîh-i iʻlâmdan on beş ay mukaddem mahallinde ben tekne ile nân-ı azîz beyʻ ederken bi-hasebi’l-iktizâ vilâyetime gider olduğumda yerimi gāib ani’l-meclis Moses Ermeniye verip ve zimem-i müteferrikayı an-nakdin gāib-i mesfûrdan alıp gitmiş idim. Hâlâ mesfûr Kirkor benim gediğimi zabt eylemiş, ihrâcını taleb ederim deyü eylediği takrîri üzere cevâbına iltifât olunmadığı iltimâsıyla tescîl olunup huzûr-ı âlîlerine iʻlâm olundu. Fi’l-yevmi’s-sâbiʻ aşer min-Cemâziyelâhire li-sene sittin ve miʼe ve elf.