Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 195 Hüküm no: 231 Orijinal metin no: [25a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in Hammal Abdurrahman’dan aldığı parayı iâde etmesi Maʻrûz; Bâʻisü’l-iʻlâm Hammal Abdurrahman nâm kimesne meclis-i şerʻde Ahmed nâm kimesne ile terâfuʻlarında gāib ani’l-meclis Hasan nâm kimesne bundan akdem mahbûs olduğu hâlde mezbûr Hasan’ı tahlîs içün mezbûr Ahmed’e dört guruş ve üç rubʻ guruş vermiş idim hâlâ mezbûr Hasan’ı tahlîs edivermemekle meblâğ-ı mezbûru taleb ederim deyü baʻde’d-daʻvâ ve’l-inkâr müddeʻî-i mezbûr vech-i muharrer müddeʻâsını Berber Mustafa b. Mehmed ve diğer Mustafa b. Mustafa nâm şâhidân-ı muʻaddilân şehâdetleriyle vech-i şerʻî üzere isbât etmeğin mûcebiyle meblâğ-ı mezbûrun edâsıyla mezbûr Ahmed ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fi’l-yevmi’s-sâdis aşer min-Cemâziyelâhire li-sene sittin ve miʼe ve elf.