Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 196 Hüküm no: 233 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb’deki Zal Paşa Cami odalarında uygunsuz davranışlarda bulunanları Maʻrûz; Medrese-i mezbûre ahâlîsinden mukayyid vekîli Eyyübî Fesadoğlu mezbûr el-Hâc Ali sâkin olduğu odasına ecnâs-ı muhtelife getirip ve câmiʻ-i mezbûr kayyımının oğlu mezbûr Süleyman dahi odasına sekerân geldiğini ahâlî-i medrese ihbâr ve Ahıska’dan mezbûr Molla Mahmud, hurde beyʻ eden Acem Ali nâm kimesne ile refîkdir deyü bir nefer kimesne ihbâr ve Darende’den mezbûr Mehmed Efendi dahi sûkda şabb-ı emrede zebân-dırâz olup lâkin odasına götürdüğünü görmedik deyü ancak bir nefer kimesne haber verip mâʻadâ talebe-i ulûmun hüsn-i sîretleri ve ifâde ve istifâdeye iştigālleri cemm-i gafîr ihbâr eyledikleri maʻlûm-ı devletleri buyruldukda fermân hazret-i men-lehü’l-emrindir. Hurrire fî-târîhi’l-mezbûr li’s-seneti’l-merkūme