Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 197 Hüküm no: 235 Orijinal metin no: [26a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Numan Efendi’nin Marko adlı zimmîye olan borcunu ödemesi Maʻrûz; Hâmilü’l-iʻlâm Marko zimmî meclis-i şerʻa ihzâr etdirdiği Numan Efendi ile terâfuʻlarında mezbûr Numan Efendi zimmetinde lahm-ı ganem ve kurban ve cihet-i karzdan bâ-temessük iki yüz sekiz guruşdan bâkī yüz elli guruş hakkım olmağla meblâğ-ı mezbûru taleb ederim deyü daʻvâ eyledikde ol dahi meblâğ-ı bâkī-i mezbûr yüz elli guruşu müddeʻî-i merkūm Marko zimmîye zimmetinde edâsı lâzım deyni olduğunu ikrâr ve iʻtirâf etmeğin mûcebince meblâğ-ı bâkī-i mezbûr yüz elli guruşu müddeʻî-i merkūm Marko zimmîye edâ ve teslîme mezbûr Numan Efendi’ye tenbîh olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’l-âşir min-Cemâziyelâhir li-sene sittin ve miʼe ve elf.