Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 198 Hüküm no: 236 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Kosta v. Toto’nun, eşyâlarını gasbeden Duka v. Mitro ile üç buçuk guruş bedel karşılığında anlaştığı Maʻrûz; Medîne-i Eyüb’de Ortakapısı hâricinde Bayrampaşa kurbünde mütemekkin bahçıvan tâifesinden Kosta v. Toto meclis-i şerʻde hâmilü’l-iʻlâm kirâcı Duka v. Mitro nâm zimmî muvâcehesinde merkūm Doka beni Rumeli cânibinden İstanbul’a getirmek içün bir reʼs katırına bindirip esnâ-i râhda Vodina kasabasına nüzûl eylediğimizde eşyâ-i memlûke kıymetleri üç bin dokuz yüz altmış akçeye bâliğ üç gömlek ve iki zıbun ve bir barata ve bir anteri ve iki dizlik ve dört tozluğumu gasben ahzeyledi deyü tasaddî eylediğim daʻvâdan üç buçuk guruş bedel-i makbûza baʻde’s-sulh mâʻadâ mütâlebesinden merkūm Doka zimmînin zimmetini ibrâ ve katʻ-ı nizâʻ eyledim dedikde ol dahi baʻde’t-tasdîk Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sâmin min-Cemâziyelâhir li-sene sittin ve miʼe ve elf.