Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 199 Hüküm no: 238 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Yahya Ağa b. el-Hâc İbrahim’e üç ay hizmet eden Kara Fakih torunu Ahmed b. Mehmed’in hizmetinin bedelini aldığı Maʻrûz; Kara Fakih torunu demekle maʻrûf Ahmed b. Mehmed nâm kimesne medîne-i Eyüb mahkemesinde meclis-i şerʻ-i hatîrde sadr-ı âlî ağalarından işbu bâʻisü’l-iʻlâm el-Hâc Yahya Ağa b. el-Hâc İbrahim nâm kimesne muvâcehesinde mezbûr el-Hâc Yahya’ya üç ay hizmet edip müddet-i mezbûrede ecr-i mislim olmak üzere otuz guruş bana teslîm ben dahi yedinden baʻde’l-ahz ve’l-kabz husûs-ı mezbûra müteʻallika âmme-i daʻvâdan mezbûr el-Hâc Yahya’nın zimmetini ibrâ ve iskāt edip ol vechile katʻ eyledik deyü ikrâr ol dahi tasdîk eylediği tescîl olunup bi’l-iltimâs huzûr-ı âlîlerine iʻlâm olundu. Fi’l-yevmi’l-hâdî aşer min-Cumâdelâhir li-sene sittin ve miʼe ve elf.