Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 199 Hüküm no: 239 Orijinal metin no: [26b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dellâk İsmail Beşe’nin Miho adlı zimmîdeki alacağını tahsil ettiği Maʻrûz; Vilâyet-i Rumeli’nde Avlonya kazâsına tâbiʻ Harman nâm karye ahâlîsinden olup Havâss-ı aliyye kazâsına tâbiʻ Sâdabâd nâm karyede Dellâk İsmail Beşe nâm kimesne medîne-i Eyüb mahkemesinde meclis-i şerʻ-i hatîrde işbu bâʻisü’l-iʻlâm Miho nâm zimmî muvâcehesinde mezbûr Miho zimmetinde iki senede müctemiʻ olan yüz yirmi guruş ücretimi taleb ve daʻvâ eylediğimde ol dahi baʻde’l-inkâr beynimize muslihûn tavassut edip daʻvâ-yı mezkûreden mezbûr Miho zimmî ile otuz guruş bedel-i makbûza sulh olup husûs-ı mezbûra müteʻallika âmme-i daʻvâdan her birimiz âharın zimmetini ibrâ ve iskāt eyledik deyü ikrâr ol dahi tasdîk eylediği tescîl olunup bi’l-iltimâs huzûr-ı âlîlerine iʻlâm olundu. Fi’l-yevmi’l-âşir min-Cumâdelâhir li-sene sittin ve miʼe ve elf.