Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 200 Hüküm no: 241 Orijinal metin no: [26b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed adlı şahsın Sâliha Hatun aleyhine açtığı davadan vazgeçtiği Maʻrûz; Derûn-ı arzuhâlde mezkûr Ahmed nâm kimesne sâhibe-i arzuhâl Sâliha nâm hatun muvâcehesinde bundan akdem fevt olan zevce-i mutallakam Âişe Hatun zimmetinde eşyâ-i memlûkemden bir sâʻat ve bir çuka biniş ve bir güğüm ve bir sini ve bir şal kuşak ile on yedi harçlı ve yirmi dokuz zincirli altunumu mezbûre Âişe Hatun bana kable’t-teslîm fevt olmağla eşyâ-i mezkûre ile zikr olunan altunları müteveffât-ı mezbûrenin terekesinden olup kendine mevrûs olmak zuʻmuyla zabt eyledi deyü eylediğim daʻvâmdan mezbûre Sâliha Hatun’un zimmetini meccânen ibrâ eyledim deyü ikrâr [27a] ol dahi tasdîk eylediği huzûr-ı âlîlerine iʻlâm olundu. Fi’l-yevmi’t-tâsiʻ ve’l-ışrîn min-Cemâziyelevvel li-sene sittin ve miʼe ve elf.