Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 200 Hüküm no: 242 Orijinal metin no: [27a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Birbirleriyle kavga eden Ekmekci Apranas ile Artin’in anlaşarak açtıkları davalardan vazgeçtikleri Maʻrûz; Ekmekci Apranas nâm zimmî meclis-i şerʻ-i hatîrde işbu bâʻisü’l-iʻlâm Artin nâm zimmî muvâcehesinde mezbûr Artin târîh-i iʻlâm günü bi-gayr-ı hakkın eliyle beni darbeyledi deyü tasaddî eylediği daʻvâsından elli para bedel-i makbûza sulh olup husûs-ı mezbûra müteʻallika daʻvâsından ve mezbûr Artin dahi kezâlik mezbûr Apranas zimmîden bana mûcib-i taʻzîr kelimât ile şetm eyledi deyü tasaddî eylediği daʻvâsından her biri ferağ ve rücûʻ edip katʻ-ı nizâʻ etdikleri medîne-i Eyüb mahkemesinde tescîl olunup huzûr-ı âlîlerine iʻlâm olundu. Fi’l-yevmi’s-sâbiʻ aşer min-Cumâdelâhire li-sene sittin ve miʼe ve elf.