Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 200 Hüküm no: 243 Orijinal metin no: [27a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hammal İsmail Beşe’nin bargirini sakat bırakan Ali Beşe b. Hasan ile üç buçuk guruş bedel karşılığında anlaştığı Maʻrûz; Hammal İsmail Beşe b. İbrahim bâʻisü’l-iʻlâm Ali Beşe b. Hasan muvâcehesinde mezbûr Ali Beşe iki gün mukaddem işbu müşâhed mülküm olan yirmi guruş kıymetli bir reʼs al doru bargirimin sol elmacığının üstüne odun ile bi-gayr-ı hakkın amden darbetmekle amel-mânde olmuşdur deyü mûcib-i şerʻîsini bundan akdem mezbûr Ali Beşe’den daʻvâ etmiş idim. El-hâletü hâzihî vesâtet-i Müslimîn ile üç buçuk guruş üzerine bedel-i sulh ve’l-kabz husûs-ı mezbûra müteʻallika daʻvâdan mezbûr Ali Beşe’nin zimmetini ibrâ eyledim dedikde ol dahi baʻde’l-ikrâr ve’t-tasdîk Eyüb mahkemesinde tescîl olunup huzûr-ı âlîlerine iʻlâm olundu. Fi’l-yevmi’r-râbiʻ aşer min-Cumâdelâhire li-sene sittin ve miʼe ve elf.