Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 201 Hüküm no: 244 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Es-Seyyid Ali. Beşe b. Ahmed’in Fâtıma bt. Yusuf’a kira bedelinden olan borcunu ödemesi Maʻrûz; Medîne-i Eyüb’de Cezerî Kasımpaşa Mahallesiʼnde sâkine bâʻisetü’l-iʻlâm Fâtıma bt. Yusuf nâm hatun meclis-i şerʻa ihzâr etdirdiği müsteciri es-Seyyid Ali Beşe b. Ahmed muvâcehesinde mezbûr es-Seyyid Ali Beşe zimmetinde iki senede müctemiʻ on iki guruş menzil icâresinden sekiz guruş hakkım bâkī kalmağla taleb ederim deyü müddeʻâsını şuhûd-ı udûlle münkir-i mezbûr muvâcehesinde vech-i şerʻî üzere isbât etmeğin mûcebiyle meblâğ-ı bâkī-i mezbûr sekiz guruşu müddeʻiye-i mezbûre Fâtıma’ya edâya mezbûr es-Seyyid Ali Beşe’ye baʻde’t-tenbîh ve’t-tescîl bi’l-iltimâs huzûr-ı âlîlerine iʻlâm olundu. Fi’l-yevmi’l-ışrîn min-Cumâdelâhire li-sene sittin ve miʼe ve elf.