Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 201 Hüküm no: 245 Orijinal metin no: [27a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yuvan v. Andon’un Fahri Hatun bt. Mustafa’ya olan borcunu ödemesi Maʻrûz-ı dâʻî; Medîne-i Eyüb’de Takyeci Mahallesi sâkinelerinden zâtı taʻrîf-i şerʻî ile maʻrûfe olan Fahri Hatun bt. Mustafa tarafından zikr-i âtî husûsu sulhe daʻvâ ve ahz ü kabza tarafından müseccel vekîli bâʻisü’l-iʻlâm es-Seyyid Hasan nâm kimesne meclis-i şerʻa ihzâr etdirdiği Yuvan v. Andon muvâcehesinde müvekkilem mezbûrenin merkūm Yuvan zimmetinde cihet-i karz-ı şerʻden baʻde külli’l-hesâb yüz guruş hakkı olup meblâğ-ı mezbûru bi’l-vekâle taleb ederim deyü daʻvâ eylediğimde ol dahi ber-vech-i muharrer meblâğ-ı mezbûr müvekkile-i mezbûre Fahri Hatun’a zimmetinde edâsı lâzım deyni olduğunu ikrâr ve iʻtirâf etmeğin mûcebince meblâğ-ı mezbûr yüz guruşu vekîl-i mezbûr es-Seyyid Hasan’a edâ ve teslîme merkūm Yuvan zimmîye tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Cumâdelâhir li-sene sittin ve miʼe ve elf.